لە گەڕەكی پەنجا عەلی لە شاری كەركوك ئاگر لە ماڵێك كەوتەوە و بەهۆی دووكەڵی ئاگرەكەوە سێ منداڵ خنكان، كە هەر سێ منداڵەكە كچن.
ئەمڕۆ شەممە 31ی ئاب، لە گەڕەكی پەنجا عەلی لە شاری كەركوك بەهۆی شۆرتی كارەباوە ئاگر لە ماڵێك كەوتەوە و بەهۆیەوە سێ منداڵ گیانیان لەدەستدا.
بەپێی زانیارییەكان، ئەو سێ منداڵە تەمەنیان لەنێوان 3 بۆ 11 ساڵ بووە و كچ بوون و منداڵی خێزانێكی عەرەب بوون.
تەرمی منداڵەكان ڕەوانەی پزیشكی دادی كەركوك كراوە و هێزە ئەمنییەکان لێکۆڵینەوەیان لەبارەی رووداوەکەوە دەستپێکردووە.
