کونسوڵی گشتی ئەمریکا لە هەولێر رایگەیاند، پشتگیری لە هەڵبژارنێکی ئازاد و دادپەروەرانە و گشتگیر لە هەرێمی کوردستان دەکەین.
کونسوڵخانەی ئەمریکا لە هەولێر راگەیەندراوێکی بڵاوکردووەتەوە و دەڵێت: دوای دوو هەفتە لە گەیشتنی بۆ هەرێمی کوردستان و لە یەکەم سەردانیدا بۆ شاری سلێمانی ستیڤ بیتنەر, کونسوڵی گشتی، لەگەڵ هەڤاڵ ئەبوبەکر، پارێزگاری سلێمانی کۆبووەوە و لە کۆبوونەوەکەدا باسیان لە هەڵبژاردنەکانی داهاتووی پەرلەمانی کوردستان کرد کە لە ٢٠ی تشرینی یەکەم بەڕێوەدەچێت وەک ئامرازێکی گرنگ بۆ بەهێزکردنی دامەزراوە دیموکراسیەکانی هەرێمی کوردستان.
دەشڵێت:”کونسوڵی گشتی پشتگیری ئەمریکای دەربڕی بۆ هەڵبژارنێکی ئازاد و دادپەروەرانە و گشتگیر، هەروەها پارێزگار و کونسوڵی گشتی باسیان لە پێشهاتەکانی ناوچەکە و ژینگەی ئێستای بازرگانی و ئابووری سلێمانی کرد”.
