ئەمشەو لەنزیک گوندی نەبی ئاوای ناحیەی پردێ لە سەر رێگەی کەرکوک – هەولێر، ڕووداوێکی سەختی هاتووچۆ لەنێوان 3 ئۆتۆمبێلدا ڕوویدا و بەهۆیەوە ژمارەیەک قوربانی لێکەوتەوە.
بەپێی زانیارییەكان، بەرەبەیانی ئەمڕۆ هەینی، لە ڕووداوێكی هاتووچۆدا لەسەر ڕێگای هەولێر – كەركوك پێنج كەس گیانیان لەدەستدا و دوو كەسی دیكەش برینداربوون.
ڕووداوەكە لە نێوان سێ ئۆتۆمبێلدا بووە لە جۆری (پیكاب و بی ئێم دەبلیو و دۆجی چارجەر)، كە بەهۆی پێكدادانەكەوە گڕیان گرتووە و 5 سەرنشین سووتاون و گیانیان لەدەستداوە.
هەر بەپێی زانیارییەكان، دوو سەرنشینی دیكەش بریندار بوون و گەیەندراونەتە نەخۆشخانە و لەلایەن هێزە ئەمنییەكانەوە لێكۆڵینەوە لە ڕووداوەكە دەستیپێكردووە.
