بەرەبەیانی ئەمڕۆ هەینی، فڕۆکە جەنگییەكانی تورکیا چەند ناوچەیەكی سنووری شارۆچکەی ماوەت-یان لە شارباژێڕ بۆردومان کردەوە.
بەپێی وتەی خەڵكی ناوچەكە، لەگەڵ دەستپێكی ڕۆژی هەینیدا، توركیا چەند ناوچەیەكی شینكایەتی لە سنووری ماوەت بەچڕی بۆردومان كردووە، بەڵام تا ئێستا زیانەكان نەزانراون.
ئەوە لەکاتێکدایە، كە ئێوارەی دوێنێش باسکی قەلێ لە گوندی گەڵاڵە بۆردوومان کرا، کە زۆر لە گوندەکەوە نزیکه و ترس و دڵەڕاوکێی لەنێو هاوڵاتیان دروستکردووە.
