شارەزای کەشناسی ڕایگەیاند، پلەکانی گەرما بۆ سبەی بەجێگیری دەمێنێتەوە و دوو سبەی بەرز دەبێتەوە.
ئاراس جەبار، شارەزای کەشناسی لەبارەی کەشوهەوای ڕۆژانی ئایندەوە ڕایگەیاند، سبەی ھەینی 23/8/2024 ئاسمانی ھەرێم بەزۆری ساماڵ دەبێت، پلەکانی گەرما بەراورد بە دوێنێ ئەمڕۆ 2 بۆ 3 پلە نزمدەبێتەوە و سبەیش بە جێگیری دەمێنێتەوە.
ئاماژەی بەوەکرد، لە دوو سبەی ڕۆژی شەممەوە 24/8/2024 شەپۆلێکی گەرما لە ناوچەکانمان دەستپێدەکاتەوە و پلەکانی گەرما ھاوشێوەی رۆژانی ڕابردوو بەرز دەبێتەوە، خێرای با لەسەرخۆ دەبێت لەنێوان 5 بۆ 15کیلۆمەتر لە کاتژمێرێکدا، ئاڕاستەی با ڕۆژئاواو باکوری ڕۆژئاوا دەبێت .
بە وتەی ئەو شارەزا کەشناسییە، لە کاتە جیاوازەکانی پاش نیوەرۆی ئەمڕۆ بۆ کاتەکانی شەو پێشبینی ھەورە بروسکەی بەھێز و بارانێکی زۆر دەکرێت لە زۆرێکی ناوچەکانی مەککە و مەدینە لە خۆرئاوای سعودیە و وە ناوچەکانی خۆرئاواو باشوری خۆرئاوای ئێران وە لەبەشێکی ئەو ناوچانە ئەگەری بارینی 30ملم تا زیاتر لە 50ملم باران ھەیە و ئەمەش ئەگەری دروستبوونی لافاوی لێدەکرێت
