ئەکبەر یوسف
دوودڵی راڕایی بەشداری کردنی هەڵبژاردن مژاری گەرمی بەشانێکی خەڵکی هەرێمی کوردستانە پێش هەڵمەتی بانگەشە و بایکۆتی پرسەکەیان پێ باشترە لە دەنگ دانی کاندیدی لیستەکان، دەلیلی ئەوەیان دەگەڕێننەوە بۆ حوکمڕانی چوار ساڵی رابردووی وڵاتەکەیان و شایستەی خزمەتی ژیانیان جێبەجێ نەکراوە.
شارەزایانی پرسی هەڵبژاردن وادەبینن لەهەر بارودۆخێکدا دەنگدان باشترە لە بایکۆت و دەلیلیان دووربوونە لە چەقبەستن و پاشەکشەنەکردن کە لە بایکۆت کردن زیاتر چاوەڕێ دەکرێت رووبدات.
لە ئێستاوە یان چەند هەفتەیەکی تر هزری تاک پڕ دەبێت بە دەرخستنی دەستکەوتەکانی دەسەڵات و خستنەڕووی کەمووکووڕییەکان لەلایەن ئۆپۆزیسیۆن، ئەمە کوشندەترین لایەنی شاراوەیە لە چەقی بیرکردنەوەی دەنگدەر دەدات و پێویستە خۆی چارەسەرێک بدۆزێتەوە بۆ دەرچوون لەوە، چونکە لە مێژوودا کەس بەمە هەڵنەستاوە، تاک دەتوانێت وێنەی گەورەی پرسەکە لە خەیاڵی وێنا بکات بە دیدی خۆی و تێگەیشتنی گەنگەشە بکات لەگەڵ ئەوانی تر و زانیاری زیاتر کۆبکاتەوە.
ناوەڕۆک:
هەڵبژاردنی مانگی ئۆکتۆبەری 2024 دوای چەندین درێژکردنەوە و دواخستنی وادەی دیاری کردنی شانسێکە دەنگدەران مێژوو ورد و درشتی رابردوو بە چاویلکەی لۆژیک بە بەرچاو بگرن و دووری سۆز و بەزەیی لیست و کاندید دیاری بکەن و لایەنی کەمی ویژدانی خەوش و گەرددار بەتاڵ کەنەوە ئەمە لایەنی ئەرێنی دەنگدەر دەردەخات بەرامبەر دەنگدان.
ئاشکرا و راشکاوە لیست و کاندیدی ئەقڵ خوازی دەنگدەر بڕیاری بەشداری کردن لە هەڵبژاردن ترازاندن و تێپەڕاندنی تەوژم و رەوتەکانی کوردستانە لە هەڵبژاردن، رونە کە بەرەکانی ناو ململانێ دەنگدان دەسەڵات و ئۆپۆزیسیۆن و ئیسلامییەکان و شیوعی و سەربەخۆکان و ئەوانی ترن، کەوا دەنگدەر کە دابەش دەبێت بەسەر ئەم لیستانە نێوانی بایکۆت نەکردن و دەنگدان پێیان چیبکات؟ هەندێک لە پسپۆڕان و فەیلەسووفان پێیان وایە شەمەندەفەری رۆشنگەری هەڵبگرسێت و تەواوی پنتەکانی کۆمەڵگە بگرێتەوە ئەم مەرهەمی برینی چەندان ساڵەیە، بەڵام چارەسەرێکی خێرا و دەرچوون لەم رێگایە لەسەرخۆ و هێواشە بەوە دەکرێت کەس و تاکی دەنگدەر بڕیاردانی بایکۆت یاخود دەنگدان بە لیست کاندیدەکان بە رێبازێک درێژە پێ بدات کە دوای ئەم هەڵبژاردنە بایکۆتکەر بۆ هیچ بەرژەوەندییەکی خۆی و دەنگدەر بۆ هەر خۆ بە قوربانی زانینێکی لە لایەن پارتەکەی لێ نەسڵەمێتەوە و رێبازی ئاواهی هەڵبژێرێت و بڕیارەکانی تۆکمەتر بکات بۆ ئایندەی خۆی لە تێکڕای کایەکانی ژیانی سیاسی و ئابووری و کۆمەڵایەتی و ئاینی و ژینگە دۆستی و ئەوانی تریش.
کۆبەند:
دەگونجی زۆرێکی مەزندەکان هەڵەبن بۆ خوێندنەوەی بابەت و پرسی هەڵبژاردنی ئەمجارە، بەڵام بەپێی لێکدانەوەکان گۆڕانکاری لە ژمارەی کورسییەکانی دەسەڵات و ئۆپۆزیسیۆن و ئیسلامییەکان و سەربەخۆکان کەم بێت و یارییەکی تری سەرە گەورەکانی عێراق و کوردستان بێت لە یارییە گەورەکەی مرۆڤی ئاسایی لە زانیارییەکانی بێبەشە.
لە جیهانی پێشکەوتوو و مۆدێرن دیسان هەڵبژاردن بێ کێشە و گرفت نیە، بەڵام کەش و هەوای پرسەکە زۆر جیاوازە لەگەڵ هەرێمی کوردستان.
بە ئومێدی ئەوەی هەموو بیرکردنەوەیەک و شکانەوەی بە نەرێنی لەسەر دەنگدانی ئەمجارە نادروست بێت و ئومێدی زۆربەی دەنگدەرەکان بە لایەنی کەم لە دووربوونی توند و تیژی هەڵمەتی هەڵبژاردن و بەڕێوەچوونی پرۆسەکە و ئەنجامەکان دڵخواز بێت.
