بەڕێوەبەرایەتی هاتووچۆی پارێزگای هەڵەبجە هاتووچۆکردنی ماتۆری دووتایە لە ڕۆژانی هەینی بۆ ناوچە گەشتییارییەکان قەدەغە دەکات.
لە بڵاوکراوەیەکدا بەڕێوەبەرایەتی هاتووچۆی هەڵەبجە ڕایگەیاند، بۆ بەرژەوندی گشتی هاووڵاتیان و گەشتیاران بەڕێوەبەرایەتی هاتووچۆی پارێزگای هەڵەبجە ئاگاداری بەکارهێنەرانی ماتۆڕسکێلی دووتایە دەکاتەوە لە ڕۆژانی ” هەینی” چونە ناوەوە ماتۆڕسکێل بۆ ناوچەگەشتیاریەکانی ” بیارە ” قەدەغە دەکات.
ئاماژە بەوەشدەکات، بەهۆی خراپ بەکارهێنانی ئەم ئامێرە لە سنوری ( بیارە و هەورامان ) لەلایەن هەندێک لە گەنجانەوە گلەیی و گازندەی زۆرێک لە هاوڵاتیانەوە بڕیاری قەدەغە کردنی هاتووچۆی ئەو ماتۆرانە دەرچووە.
جەختیشدەکاتەوە، سەرپێچیکاران لەلایــەن مەفرەزە هـاوبەشەکانی ( هاتووچۆ و ئاسایش و پۆلیس) ەوە توشـی ســـزاو لێپێچینەوەی یاسایی دەبنەوە.
