وەزیری دەرەوەی عێراق و وەزیری دەرەوەی تورکیا یاداشتی لێکتێگەیشتنی ئەمنی نێوانیان واژۆکرد و دەڵێن”ئەم یاداشتە گرنگییەکی مێژووی هەیە”.
ئێوارەی ئەمرۆ پێنج شەممە 158ی ئاب، لە کۆنفرانسێکی ڕۆژنامەوانیدا هەردوو وەزیرانی درەوەی تورکیا و عێراق لە ئەنقەرە رایانگەیاند، یاداشتی لیکتێگەیشتنی ئەمنی و سەربازییان واژۆکردووە کە گرنگییەکی مێژووی هەیە.
لە کۆنفرانسەکەدا فوئاد حسێن وەزیری دەرەوەی عێراق ڕایگەیاند، باسمان لە بوونى پەکەکە لە قەندیل و شنگال کردووە و رێگە نادەین لە خاکى عێراقەوە مەترسی بۆ سەر خاکى تورکیا دروستبکرێت.
ئاماژەی بەوەشدا، بوونى پەکەکە لە دەرەوەى یاسا و دەستوردایە بۆیە لەو بوارەدا عێراق وەکو رێکخراوێکى قەدەغەکراو و نایاسایی ناوزەندی دەکات.
وتیشی، بنکەى باشیک دەمێنێتەوە لە عێراق و دەکرێتە بنکەیەکى راهێنان، چیتر عێراق ڕیگە نادات لەناو خاکەکەیەوە هێرش بکرێتە سەر دراوسێکانی.
لای خۆیەوە هاکان فیدان وەزیری دەرەوەی تورکیا ڕایگەیاند، واژووکردنی یاداشتنامەی لێکتێگەیشتنی لە بواری هاریکاری سەربازی و ئەمنی و بەرەنگاربونەوەی تیرۆر لە نێوان تورکیا وعێراق گرنگی مێژووی هەیە.
