داوا لە وەزارەتی داریی عێراق دەکرێت دەست بەسەر موڵکێکدا بگرێت کە خاوەندارێتی چەند پشکێکی بۆ حەلای کچی سەدام و جەمال مستەفا تکریتی دەگەڕێتەوە.
ئەیمەدن داود، جێگری سەرۆکی سندوقی وەرگرتنەوەی سامانەکانی عێراق ڕایگەیاند، خێزانی سەدام حسێن، سەرۆکی ڕژێمی پێشووی بەعس چەند موڵکیکیان هەیە و داوای لە وەزارەتی دارایی کرد دەستیان بەسەردا بگرێت.
ڕوونیشیکردەوە، خێزانی سەدام چەند پشکێکیان لە موڵکێکدا هەیە کە ڕووبەرەکەی 92 دۆنمە و بە ناوی “ئولفەت و میسک”ی کچانی حەلا سەدام حسێن و جەمال مستەفا تکریتییەوە تۆمارکراون.
ئەیمەن داود ڕاشیگەیاند، بە پێی ماددەی 1ی یاسای دەستبەسەرداگرتنی ماڵ و موڵکی پایەکانی ڕژێمی پێشوو دەبێت دەستیان بەسەردا بگیرێت و بە مەبەستی دەستبەسەرداگرتنیشی، پەیوەندییان بە وەزارەتی دارایی عێراقەوە کردووە.
