بەڕێوەبەرایەتیی هاتووچۆی ڕاپەڕین بڵاوی کردەوە، بەهۆی ڕووداوێکی هاتوچۆوە لەنێوان سێ ئۆتۆمبێلدا، لەسەر ڕێگای ڕانیە – سەرکەپکان، 7 کەس بریندار بوون.
بەڕێوەبەرایەتیی هاتووچۆی ڕاپەڕین لە ڕاگەیەنراوێكدا ئاماژەی بەوەكردووە، لەسەر رێگای گشتیی رانیە – سەرکەپکان ڕووداوێکی هاتووچۆ لەجۆری پێکدادان لەنێوان سێ ئۆتۆمبێل ڕوویدا.
ئاشكراشی كردووە، بەهۆی ڕووداوەكەوە 7 كەس بریندار بوون.
ئەمە لەكاتێكدایە، كە دوێنێ سێ شەممە، لە ڕووداوێکی هاتووچۆدا لە سنووری دهۆک دوو کەس گیانیان لەدەستدا و لە ڕووداوێکی دیكەدا لەسەر ڕێگەی سەنگاو-چەمچەماڵ، دوو کەس بریندار بوون.
