ئێران دەستگیركردنی گرووپێكی “تیرۆریستیی” لە پارێزگای سێستان-بەلۆچستان باشووری خۆرهەڵاتی وڵاتەكە راگەیاند.
ئاژانسی هەواڵیی فەرمی ئێران بڵاوی كردەوە كە بەڕێوەبەرایەتی پۆلیسی پارێزگای سێستان-بەلۆچستان رایگەیاندووە كە هەفتەی رابردوو گرووپێكی “تیرۆریستیی” دەستگیركراوە كە هێرشی چەكداریی كردووەتە سەر دەورییەكانی پۆلیس و پەیوەندییان بە دوژمنەوە هەیە.
لە هەواڵەكەدا باس لەوە كراوە كە گرووپە چەكدارییەكە لە سێستان-بەلۆچستان تەقەی لە دەورییەكی پۆلیس كردووە و پاش لێكۆڵینەوە ناسنامەی گرووپەكە دۆزراوەتەوە و ئەندامانی دەستگیركراون.
هەروەها باس لەوە كراوە لە دواتر وردەكاری زیاتر دەخرێتەڕوو.
