وەزیری ئەوقاف و کاروباری ئایینی لەگەڵ سەرۆکی یەکێتی زانایان و بابەشێخی ئێزدیان کۆبووەوە.
ئەمڕۆ پێنجشەممە، د.پشتیوان صادق، وەزیری ئەوقاف و کاروباری ئایینی، لەگەڵ سەرۆکی یەکێتی زانایانی ئاینی ئیسلامی کوردستان و بابەشێخی ئێزیدیان کۆبوویەوە.
کۆبوونەوەکە بۆ جەختکردنەوە و گەیاندنی پەیامی پێکەوەیی و ئاشتی و خۆشەویستی ئێزیدیان بۆ ئاینی پیرۆزی ئیسلام و ھەموو پێکھاتە ئاینییەکانی کوردستان بوو.
وەزیر ئەوقاف و کاروباری ئایینی ڕایگەیاند، وتەی ناسروشتی ھیچ کەسێک لەئایینەکان، گوزارشت لە کۆی ئایینەکە ناکات، لەبنەرەتیشدا پەیامی ھەموو ئاینەکان یەکترقبوڵکردن و وەکھەڤیە، بۆیە جەخکترایەوە، کە پێویستە ھەمووان بەگیانی بەرپرسیارانەوە لەگەڵ رووداوەکاندا بن، چونکە مێژوویی دێرین و ژیانی پێکەوەیی ھەمووان لەکوردستانی ئازیز پێکەوە کۆدەکاتەوە .
د.پشتیوان صادق وتیشی، دڵنیام زانا، دانا و کەسایەتی ئاینی و ڕۆشنبیری و ڕاگەیاندکار و چالاکوان لە کاتی پێویستدا دەتوانن بە ھێمنی و بە ھەستکردن بە بەرپرسیارێتی ڕۆلی گەورەی خۆیان ببینن.
