هونەرمەند بەهجەت یەحیا، بەرهەمێکی نوێی بە شێوەی ڤیدیۆکلیپ بەناوی “گوڵ لە گوڵستان” بڵاوکردەوە.
بەرهەمەکە لە ئاوازی هونەرمەند خۆیەتی و هۆنراوەی بێسارانییە، کە پیرەمێردی شاعیر بە زاراوەی سۆرانی نووسیویەتییەوە، لەلایەن ئارام سەردارەوە کاری میوزیکی بۆ کراوە.
بەهجەت یەحیا، لە ساڵی ١٩٦٥ لە گەڕەکی کانی ئاسکانی شاری سلێمانی دایکبووە، لەساڵی ١٩٨٥ـەوە دەستی بە کاری هونەری کردووە و خاوەنی چەندین کاری تۆمارکراوی تایبەت بە خۆیەتی.
