پارێزگاری سلێمانی ڕایگەیاند، بە مەبەستی دەربڕینی هاوخەمی بۆ ئێزیدییەکان، سبەینێ کاتژمێر ١٠ ی بەیانی؛ خولەکێک بە بێدەنگیی دەوەستین و هاتووچۆ لە هەموو ڕێگا سەرەکییەکاندا ڕادەگیرێت.
هەڤاڵ ئەبوبەکر، پارێزگاری سلێمانی لە ڕاگەیەندراوێکدا ئاماژەی بەوەکرد، لە ساڵیادی تاوانی جینۆسایدکردنی ئێزیدییەکان، بۆ دەربڕینی ڕێزو وەفا بۆ خوشک و برا ئێزیدییەکانمان، بۆ هاوخەمیی و هاوهەڵوێستیی و سەرکۆنەکردنی تاوانی جینۆساید، بۆ پشتیوانیکردنی بڕیاری هەردوو سەرۆک وەزیرانی عێراقی فیدڕاڵ و هەرێمی کوردستان، سبەینێ ٣ی ئاب، کاتژمێر ١٠ ی بەیانی لە هەموو سنووری پارێزگای سلێمانیدا، دەقیقەیەک بە بێدەنگیی دەوەستین.
وتیشی، لەم کاتەدا جوڵەی هاتووچۆو ئۆتۆمبیل لە هەموو ڕێگا سەرەکییەکاندا ڕادەگیرێت.
