سەرۆکایەتی هەرێمی کوردستان پەیامێکی بەبۆنەی بەئامانجگرتنی سەرۆکی مەکتەبی سیاسی حەماس بڵاوکردەوە و دەڵێت” به نيگه‌رانييه‌كى قووڵه‌وه له‌و پێشهاته مه‌ترسيداره ده‌ڕوانين”.
سەرۆکایەتی هەرێم ئەمڕۆ دووشەممە 31ی تەمموز بڵاویکردەوە، به‌ئامانجگرتنى ئيسماعيل هه‌نييه سه‌رۆكى مه‌كته‌بى سياسيى بزووتنه‌وه‌ى حه‌ماس كه به ميوانى له تاران بوو، سه‌ركۆنه ده‌كه‌ين و به نيگه‌رانييه‌كى قووڵه‌وه له‌و پێشهاته مه‌ترسيداره ده‌ڕوانين.
ئاماژە بەوەشکراوە، ئاڵۆزكردنى زياترى دۆخه‌كه، هه‌ڕه‌شه له ئارامى و سه‌قامگيريى ته‌واوى ناوچه‌كه ده‌كات و لێكه‌وته و پێشهاتى خراپترى به‌دوادا دێت.
جێی باسە بەرەبەیانی ئەمڕۆ ئیسماعیل هەنییە سەرۆکی مەکتەبی سیاسی بزوتنەوەی حەماس ی فەڵەستنینی لەو شوقەیەی لێی دەمایەوە لە تارانی پایتەختی کۆماری ئیسلامی ئیران کرایە ئامانج و دوای کوژرانیشی کاردانەوەی ناوخۆیی و هەرێمی و نێودەوڵەتی لێکەوتەوە، هاوکات ئەنجومەنی ئاسایشی نەتەوەیەکگرتووەکان داوای کۆبوونەوەی بەپەلەی لەسەر ئەو ڕووداوە کرد.
