“ئەگەر ئیسرائیل ڕووبەڕووی هێرش ببێتەوە پشتیوانی دەکەین”

لە میانی سەردانیدا بۆ فلیپین، ئۆستن لەگەڵ میدیاکاران کۆبووەوە و، پەیامی پشتیوانی ئەمریکای بۆ ئیسرائیل دووپاتکردەوە.

وەزیری بەرگریی ئەمریکا ئۆستن باسی لەوەشکرد، کە خوازیار نەبوون دۆخەکە بەم ئاستە بگات و ڕایگەیاند: ”ناخوازین هیچ کام لەمانە ڕوو بدات، لەم بارەیەوە بەچڕی کار دەکەین،  کە هاوکار بین لە کەمکردنەوەی بارگرژییەکانی ئێستا و چارەسەرکردنی کێشەکان بە ڕێگای دیالۆگ”.

سەبارەت بە تیرۆرکردنی ئیسماعیل هەنییە سەرۆکی مەکتەبی سیاسی بزووتنەوەی حەماس، ئۆستن باسی لەوە کرد جگە لەوەی لە میدیادا ڕەنگی داوەتەوە و بیوتویەتی هیچ زانیارییەکی دیکەی نییە.