لە دوو روداوی هاتووچۆدا لە قەزای کەلار، سێ کەس برینداربوون و بۆ وەرگرتنی چارەسەر رەوانەی نەخۆشخانە كراون.
هاتووچۆی گەرمیان رایگەیاند لە ئەنجامی پێكدادان لە نێوان هۆندا مینی پاس – ماتۆڕ سکیلێكدا لە لە گەڕەکی بەردەسور، لێخوڕی ماتۆڕ سکیلەکە برینداربوو.
هاتووچۆی گەرمیان دەشڵێت:”روداوی دووەمیش لە كەلار لە نزیک مزگەوتی بەهەشت رویداوە، كە ئۆتۆمبێلێکی جۆری تۆیۆتا کراون وەرگەڕاوە و بەهۆیەوە دوو کەس برینداربوون.
ئاماژەی بەوەشکرد، بۆ وەرگرتنی چارەسەر، بریندارەکان رەوانەی نەخۆشخانەی فریاکەوتنی شەهید هەژار کراون، هەروەها لەلایەن تیمی هاتووچۆوە لێکۆڵینەوە لە رووداوەکان دەستی پێکردوە.
