ماڵپەڕی شەفافیەت داهاتی هەفتەیەکی سلێمانی بڵاوکردەوە و بەپێی داتاکان داهات کەمیکردووە.
ماڵپەڕی شەفافیەت ئەمڕۆ بڵاویکردەوە لە 13-07-2024 بۆ 19-07-2024 کە دەکاتە ئەمڕۆ هەینی، داهاتی سنوورەکە 9 ملیار و 166 ملیۆن و 954 هەزار و 969 دینار بووە، کە ٨٤٪ بە نەقد و ١٦٪ بەشێوەی چەک بووە.
هەر بەگوێرەی ماڵپەڕەکە کە داهاتی هەفتەی ڕابردوشی تێدایە، بۆ ئەمهەفتەیە بە نزیکەیی نیوە داهات کەمیکردووە، هەفتەی پێشوو 18 ملیار و 288 ملیۆن و 918 هەزار و 439 دینار بووە.
رۆژی 15-12-2022 قوباد تاڵەبانی، جێگری سەرۆکی حکومەتی هەرێمی کوردستان ماڵپەڕی شەفافیەتی راگەیاند، کە لە هەشت بەش پێکدێت و لەلایەن نووسینگەی جێگری سەرۆکی حکومەتەوە سەرپەرشتی دەکرێت.
