بە هۆی لێدوانەکانی سەرۆکی بانکی فیدراڵی ئەمریکاوە، نرخی زێڕ گەیشتە بەرزترین ئاست لە مێژوودا.
ئەمڕۆ چوارشەممە، نرخی ئۆنسەیەک زێڕ بۆ دوو هەزار و 482 دۆلار بەرزبووەوە، ئەمەش یەکەمجارە لە مێژوودا نرخی زێر بگاتە ئەو ئاستە.
هۆکاری هەڵکشانی نرخی زێڕ بۆ لێدوانەکانی جیرۆم پۆڵ، سەرۆکی بانکی فیدراڵی ئەمریکا دەگەڕێتەوە کە تێیدا ئاماژەی دا بە ئەگەری کەمکردنەوەی ڕێژەی سوود، کە ئەوەش دابەزینی بەهای دۆلار و بەرزبوونەوەی نرخی زێڕی لێکەوتەوە.
