بەربژێری سەرۆکایەتی ئەمریکا دۆناڵد ترامپ دوێنێ لە هەوڵێکی تیرۆرکردن ڕزگاری بوو، و هاوکات بە برینداری گەیەندرایە نەخۆشخانە.
هەوڵی تیرۆرکردنی دۆناڵد ترەمپ، سەرۆکی پێشووی ئەمریکا یەکەمجار نەبوو لە مێژووی ئەمریکادا، پێشتر چوار سەرۆکی تری ئەو وڵاتە بەبەرچاوی هەمووانەوە و لە شاشەی تەلەفزیۆنەکانەوە کە پەخشی ڕاستەوخۆ دەکرا تیرۆر کراون، و ژمارەیەک لە سەرۆکانی ئەمریکا لە چەندین هەوڵی تیرۆرکردن ڕزگاریان بووە.
لێرەدا زنجیرەیەک لەو هەوڵانە دەخەینەڕوو کە بۆ تیرۆرکردنی سەرۆکی ئەمریکا ئەنجامدراون.
ئەو سەرۆکانەی کە تیرۆر کران:
تیرۆرکردنی لینکۆڵن لە ساڵی ١٨٦٥
یەکەم سەرۆک کە تیرۆرکرا، ئەبراهام لینکۆڵن بوو کە ١٦هەمین سەرۆکی وڵاتەکەی بوو، کە لە ساڵی ١٨٦٥ لەلایەن جۆن ویلکس بووس- تیرۆرکرا لەکاتی بەشداریکردنی لە شانۆی “ئامۆزا ئەمریکییەکەمان” لە شانۆی فۆرد لە واشنتۆن ڕوویدا، لە کۆتایی شەڕی ناوخۆی ئەمریکادا بووت و هاوبەشەکانی لە تاوانکاریدا لینکۆڵنیان وەک خیانەتکارێک و پێشێلکردنی دەستوور دەبینی.
تیرۆرکردنی جەیمس گارفیڵد لە ٢ی تەمموزی ١٨٨١
گارفیڵد بیستەمین سەرۆکی ویلایەتە یەکگرتووەکانی ئەمەریکا بوو، لە ساڵی 1881 لە وێستگەیەکی شەمەندەفەر لە واشنتۆن لەلایەن پارێزەر کارلۆس گیتۆ تیرۆرکرا، ئەوەش دوای ئەوەی داواکەی بۆ دانانی بە باڵیۆزی ئەمریکا لە فەرەنسا ڕەتکردنەڕەتکردەوە. دەرکەوت کە بکوژەکە لە ڕووی دەروونییەوە ناسەقامگیرە و دەوترێت هۆکاری پشت تیرۆرکردنەکە تێکەڵەیەک لە ناڕەزایەتی کەسی و ناڕەزایی سیاسی بووە.
مەکینلی لە ٦ی ئەیلوولی ١٩٠١ تیرۆر کرا
سەرۆکی بیست و پێنجەمین، ویلیام مەکینلی، لە کاتی پێشوازیکردن لێی لەلایەن هاووڵاتییانەوە لە پێشانگایەکی وڵاتانی ئەمریکای لاتین سڵاوی لە لایەنگرانی دەکرد، دواتر لە نزیکەوە لەلایەن لیۆن کازلگۆسەوە تەقەی لێکرا و تیرۆر کرا.
تیرۆرکردنی کێنێدی لە مانگی نۆڤەمبەری ساڵی ١٩٦٣
٣٥هەمین سەرۆک، جۆن ئێف کێنێدی، دوایین سەرۆک بوو کە لە ساڵی ١٩٦٣ تیرۆرکرا، لە کاتێکدا کوژرا کە ئۆتۆمبێلەکەی لە شاری داڵاس لە ویلایەتی تەکساس گەشتیان دەکرد، لەنێو جەماوەرێکی زۆر لە هاوڵاتیاندا کە ڕیزیان گرتبوو بۆ سڵاوکردن لە سەرۆک و هاوسەرەکەی لەو کاتەدا و لەناو ئۆتۆمبێلە سەر کراوەکەی تیرۆرکرا.
هەوڵەکانی تیرۆرکردن:
ئەندرۆ جاکسۆن لە ٣٠ی ١ی ١٨٣٥
نیگارکێشێک بە ناوی ڕیچارد لۆڕێنس هەوڵیدا سەرۆک جاکسۆن تیرۆر بکات لەکاتێکدا سەرۆک جاکسۆن دەگەیشتە پرسەیەک لە کۆنگرێس لە واشنتۆن، لەوێ خۆی شاردەوە و چاوەڕێی دەکرد، و هەوڵیدا بە دوو دەمانچەی جیاواز تەقەی لێبکات، بەڵام شکستی هێنا.
ڕیچارد لۆڕێنس بووە یەکەم کەس کە تۆمەتبار دەکرێت بە هەوڵدان بۆ تیرۆرکردنی سەرۆکێکی ئەمریکا.
هەوڵی تیرۆرکردنی تیۆدۆر ڕۆزڤێڵت لە ١٤ی تشرینی یەکەمی ١٩١٢
خاوەن ساڵۆنێک بەناوی One Flaming Shrank لە شاری میلواکیی ویلایەتی ویسکۆنسێن لەکاتی بانگەشەی هەڵبژاردن بۆ خولی سێیەمی پۆستەکەی، تەقەی لە سنگی تیۆدۆر ڕۆزڤێڵت کرد. ڕۆزڤێڵت سەرەڕای پێکانەکانی ڕزگاری بوو.
هەوڵی تیرۆرکردنی فرانکلین ڕۆزڤێڵت لە ١٥ی شوباتی ١٩٣٣
جوزێپی زانگارا، کرێکاری بیناسازی بێکار، لە میانی وتارێکیدا بۆ جەماوەرێک لە پارکەکەی بایفرۆنت لە شاری میامی لە ویلایەتی فلۆریدا، پێنج فیشەکی ئاراستەی ڕۆزڤێڵتی سەرۆکی هەڵبژێردراوی ئەمریکا کرد. بەڵام فیشەکەکان بەر دەستی کەوتن و بریندار بوو و چوار کەسیای تریش کوژران، لەنێویاندا ئەنتۆن سێرماک سەرۆکی شارەوانی شیکاگۆ.
هەوڵی تیرۆرکردنی هاری ترومان لە یەکەمی تشرینی دووەمی ١٩٥٠
دوو چالاکوانی پورتوگالی لایەنگری سەربەخۆیی هەوڵی تیرۆرکردنی هاری ترومانیان دا لە ماڵی بلێر لە واشنتۆن، کە لەوێ دەمێنێتەوە لەکاتێکدا کۆشکی سپی نۆژەن دەکرایەوە.
چالاکوانان ئۆسکار کۆلازۆ و گرێسلۆ تۆرسۆلا پێش ئەوەی بچنە ناو ماڵەکەوە ڕاگیراون و شەڕی دەمانچە ڕوویدا، بەڵام لە کۆتاییدا هەوڵەکە شکستی هێنا و یەکێک لە هێرشبەرەکان کوژرا و ئەوی دیکەش دەستگیرکرا و ئەفسەرێکی پۆلیسی کۆشکی سپیش لە هێرشەکەدا کوژرا .
هەوڵی تیرۆرکردنی جیراڵد فۆرد لە ٥ و ٢٢ی ئەیلوولی ١٩٧٥
ژنێک بەناوی لینێت فرۆم لە شاری ساکرامنتۆ لە ویلایەتی کالیفۆرنیا هەوڵیدا تەقە لە فۆرد بکات. پێش ئەوەی بتوانێت تەقە بکات، بریکارەکانی دەزگای نهێنی ڕێگرییان لێکرد. دوای چەند هەفتەیەک، ژنێکی دیکە بە ناوی سارا جاسمین کۆر هەوڵیدا تەقە لە فۆرد بکات لە شاری سانفرانسیسکۆ لە ویلایەتی کالیفۆرنیا، بەڵام پێش تەقەکردنەکە دەستگیر کرا.
هەوڵی تیرۆرکردنی ڕیگان لە ٣٠ی ئازاری ١٩٨١
کەسێک بە ناوی جۆن جینکلی جونیۆر چەند تەقەیەکی ئاراستەی ڕیگان و تیمە ئەمنییەکانی کردووە لەکاتی دەرچوونیان لە هۆتێل هیڵتۆن لە واشنتۆن. ڕیگان تووشی ترس و دڵەڕاوکێ بوو و ١٢ ڕۆژ لە نەخۆشخانە بوو، بەڵام دواجار لە هەوڵی تیرۆرکردنەکە ڕزگاری بوو
هەوڵی تیرۆرکردنی دۆناڵد ترەمپ، سەرۆکی پێشووی ئەمریکا، ١٣ی تەمموزی ٢٠٢٤
ترەمپ لەلایەن گەنجێکی تەمەن 20 ساڵەوە هەوڵی تیرۆرکردنی درا، لەکاتێکدا سەرۆکی پێشووی ئەمریکا بەشداریی لە چالاکییەکی هەڵبژاردندا دەکرد لە ویلایەتی پێنسیلڤانیا لە چوارچێوەی هەڵمەتی هەڵبژاردنەکانیدا بۆ کاندیدکردنی بۆ پۆستی سەرۆکایەتی ئەمریکا. ترەمپ سەرەڕای برینداربوونی لە گوێی ڕاستیدا ڕزگاری بوو.
