بەڕێوەبەرایەتی ئاسایشی هەولێر رایگەیاند، کەسێکیان دەستگیرکرد کە بە دەستڕێژی گولـلەی هەڕەمەکی هێرشی کردبووە سەر ماڵی خەزور و ماڵی ژنبرایەکی.
بەڕێوەبەرایەتی ئاسایش هەولێر لە راگەیەنراوێکدا بڵاویکردەوە، بەفەرمانی دادوەری لێکۆڵینەوەی ئاسایشی هەولێر تۆمەتبارێکیان دەستگیرکردوە، کە لە ڕێکەوتی 10ی مانگی (تەمموز/7) لەسەر کێشەیەکی کۆمەڵایەتی لە کاتی بەیانی هیرشی کردووەتە سەر ماڵی خەزوری لە قەزای عەنکاوە و ماڵی کوڕێکی خەزوری لە گەڕەکی ٥ی حەسارۆکی شاری هەولێر.
لە راگەیەندراوەکەی ئاسایشدا هاتووە کە تۆمەتبارەکە بەشێوەیەکی هەڕەمەکی دەسڕێژی گولـلەی کردووەتە سەر ماڵی خەزوری و ژنبراکەی، هێرشەکانزیانی گیانی نەبووە، لەکاتی دەستگیرکردنی تۆمەتبار، دەست بەسەر چەکەکەیدا گیراوە.
دەشڵێت:” هەرکەسێک چەکی بێ مۆڵەتی لابێت، یان لەسەر هەرکێشەیەکی کۆمەڵایەتی و بەهەر بیانویەک چەک بەکاربهێنێت و تەقەبکات لەلایەن هێزەکانی ئاسایشەوە دەستگیر دەکرێت و دەدرێت بەدادگا”.
