پارێزگاری نەینەوا ڕایدەگەیەنێت، بەم زووانە كێبڕكێی هەرێمی كوردستان دەكەین و دەشڵێت: زۆرینەی پزیشكەكانی كوردستان و لەندەن و كەنداو خەڵكی نەینەوان.
عەبدولقادر دەخیل، پارێزگاری نەینەوا لە لێدوانێكی ڕۆژنامەوانیدا ڕایگەیاند، بەم زووانە كێڕكێی هەرێمی كوردستان دەكەین لە زۆربەی بوارەكاندا.
ڕاشیگەیاند، زۆرینەی پزیشكەكانی كوردستان و لەندەن و كەنداو لە ڕۆڵەكانی خەڵكی نەینەوان.
ئاماژەی بەوەشكردووە، گروووپە چەكدارە تیرۆريستییەكان 3600 بێدیان لە نەخۆشخانەكانی نەینەوا لەناوبردووە و شارەكە تووشی كاولكارییەكی گەورە بووە و بەهۆیەوە 72 پرد و بەرزەپرد و نزمەپرد خاپووركراون.
ئاشكراشی كردووە، نەینەوا یەكەمە لەسەر ئاستی عێراق بۆ بنیاتنانی خوێندنگەكان، كە نزیكەی 600 باڵەخانە بنیاتنراون و هاوكات بنیاتنانی 10 نەخۆشخانە لە یەك كاتدا كاریان تێدا دەكرێت.
