وەزارەتی کارەبا رایگەیاند، لەگەڵ لایەنە پەیوەندیدارەكان لەسەر هێڵە بۆ چارەسەركردنی خێرای ئەو كێشەیەی بووەتە هۆی خەرج نەكردنی مووچەی وەزارەتەكە،
وەزارەتی کارەبا لە روونکردنەوەیەکدا بڵاویکردووەتەوە و دەڵێت:” وەزارەتەکەیان بە نووسراوی فەرمی ئەو تێبینیانەی لە راپۆرتی هەردوو دیوانی چاودێریی فیدراڵی و هەرێمدا هاتبوون، چارەسەر كردووە، لەم پێناوەشدا خەرجی مووچە و تەواوی شایستە داراییەكانی پۆلیسی كارەبای هەرێمی لەسەر میلاكی وەزارەت بۆ سەر میلاكی وەزارەتی ناوخۆ گواستووەتەوە.
ئەو روونکردنەوەیە لە کاتێکدایە کە ئەمڕۆ سێشەممە وەزارەتی دارایی و ئابوری خشتەی مووچەی مانگی حوزەیرانی فەرمانبەرانی مەدەنی بڵاوکردەوە، بەڵام خشتەکە مووچەی وەزارەتی کارەبای تێدا نەبوو.
