نرخی دۆلار بەردەوام لە بەرزبوونەوەدایە و ئەمڕۆ ڕیكۆردی 150 هەزاری تێپەڕاند و لە بازاڕی دراوی بەشێكی شارەكان بەهای 100 دۆلار گەیشتۆتە 150 هەزار و 300 دینار.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، بەهای دۆلار جارێكی دیكە بەرزبۆتەوە و بەهای 100 دۆلار بە 150 هەزار دینار مامەڵەی پێوەدەكرێت.
لای خۆشیەوە، دانا وەرتی، شارەزای كاروباری زێڕ و دراو لە هەولێر بۆ (خەڵك) ئاماژەی بەوەكرد، بەهای دۆلار لە بۆرسەی شارەكانی عێراق زیاتر لە بۆرسەی شارەكانی هەرێم بەرزبۆتەوە و ئێستا لە بۆرسەی هەولێر بە 150 هەزار و 150 دینارە.
ڕاشیگەیاند، لە بۆرسەی دهۆك و بۆرسەی كیفاح لە بەغدا بەهای 100 دۆلار گەیشتۆتە 150 هەزار و 300 دینار.
