نێچیرڤان بارزانی پیرۆزبایی لە سەرۆکوەزیرانی نوێی بەریتانیا دەکات و دەڵێت:”بە پەرۆشەوەم بۆ هاوبەشییەکی بەردەوام لەگەڵ گەل و سەرکردایەتی بەریتانیادا”.
ڕۆژی هەینی پارتی کرێکارانی بەریتانیا لە هەڵبژاردنەکانی پەرلەمانی وڵاتەکەدا سەرکەوتنی بە دەستهێنا و کیەر ستامەر، بە فەرمی بووە سەرۆک وەزیرانی نوێی بەریتانیا و لە یەکەم وتاریدا بەڵێنی دا ،دەست بە گۆڕانکاری دەکات و سیاسەت دەخاتە خزمەتی خەڵک و کۆمەڵگە”.
نێچیرڤان بارزانی، سەرۆکی هەرێمی کوردستان بە بۆنەی بوونی بە سەرۆک وەزیرانی نوێی بەریتانیا پەیامێکی ئاڕآستەی کیەر ستامەر کرد و رایگەیاند:” لە بری هەرێمی کوردستانی عێراق، پیرۆزبایی لە کیەر ستامەر دەکەم لەسەر بوونی بە سەرۆکوەزیرانی بەریتانیا و بە پەرۆشەوەم بۆ هاوبەشییەکی بەردەوام لەگەڵ گەل و سەرکردایەتی بەریتانیادا.”
دوای زیاتر لە دەیەیەک، پارتی کرێکارانی بەریتانیا بۆ یەکەمین جار لە هەڵبژاردنەکانی بەریتانیادا زۆرینەی دەنگەکانی بە دەستهێنا و دەسەڵاتی وڵاتەکەی گرتەوە دەست.
پارتی کرێکارانی بەریتانیا 412 کورسی لە کۆی 615 کورسیەکەی پەرلەمانی بەریتانیا بە دەستهێنا و پلەی یەکەمی بە دەستهێنا، پارتی پارێزگاران بە سەرکردایەتی ڕیشی سوناک 121 کورسی بە دەستهێنا و پارتی لیبڕاڵ دیموکراتەکان 71 کورسیی بە دەستهێنا..
