سێ گەشتیار لە هاوینەهەواری بێخاڵ ڕزگار کران، لەکاتێکدا پاشنیوەڕۆی ئەمڕۆ گەشتیارێک لە زاخۆ خنکا.
ئەمڕۆ هەینی، بەڕێوەبەرایەتی بەرگری شارستانی سۆران ڕایگەیاند، کاتژمێر ١٢:١٥ ئاگادار کراینەوە کەوا سێ گەشتیاری خەلکی هەولێر بەمەبەستی گەشت و سەیران گیانی خۆیان خستۆتە مەترسی، دوای ئاگادارکردنەوە تیمێکی بنکەی بەرگری شارستانی ڕواندز دەرچوون بۆ هاوینە هەواری بێخاڵ و ڕزگارکران.
بەپێی ڕاپۆرتی تیمی ناوبراو، سێ گەشتیار لە تێکەڵەی ڕووباری بێخاڵ و کاولۆکان هەوڵی مەلەوانی کردنیان داوە لەو شوێنە دەر ئەنجام یەکێک لە گەشتیارەکان بەسووکی زامدار بوو لە لایەن تیماری برینەکەی کراوە.
هاوکات لە ڕووداوێکی دیکەدا، گەشتیارێکی عەرەب لە زاخۆ خنکا و لەوبارەیەوە بەرگری شارستانی زاخۆ ڕایگەیاند، کاتژمێر ٢ی پاشنیوەڕۆی ئەمڕۆ ئاگادار کراینەوە لە ڕووداوی خنکانی گەشتیارێکی عەرەب لە ڕووباری خابیر لە زاخۆ.
ئاماژەی بەوەشکرد، ئێستا تیمەکانمان بەردەوامن لە گەڕان بەدوایدا.
