نرخی بیتکۆین بۆ یەکەمجار لە دوای مانگی نیسانەوە بۆ خوار ٥٩ هەزار دۆلار دابەزی، لە ماوەی ٢٤ کاتژمێری ڕابردوودا بیتکۆین بە ڕێژەی زیاتر لە ٣.٨% دابەزیوە.
نرخی دراوی کریپتۆ بیتکۆین بۆ یەکەمجار لە دوای مانگی نیسانەوە لە سەرەتای مامەڵەکانی ڕۆژی پێنجشەممەدا بۆ خوار ٥٩ هەزار دۆلار دابەزی، لەگەڵ چەندین دراوی کریپتۆی گەورەی دیکەش دابەزینیان بەخۆوە بینی.
ئەمەش لەکاتێکدایە نیگەرانییەکان سەبارەت بە کاریگەرییەکانی ئاڵوگۆڕی لەکارکەوتووی Mt.Gox دێت، کە بڕێکی زۆر بیتکۆینی بۆ قەرزدەرەکانی گەڕاندەوە.
ئاڵوگۆڕی Mt.Gox کە دە ساڵ لەمەوبەر دوای هاککردنی گەورە داڕما، نزیکەی ٩ ملیار دۆلار وەک تۆکنی کریپتۆ دەگەڕێنێتەوە بۆ بەکارهێنەرانی.
لە ماوەی ٢٤ کاتژمێری ڕابردوودا بیتکۆین بە ڕێژەی زیاتر لە ٣.٨% دابەزینی بەخۆیەوە بینی.
بەپێی ڕاپۆرتێکی ئەمریکی کە بڵاویکردووەتەوە، نرخی ئیتەر بە ڕێژەی زیاتر لە 4% دابەزیوە و گەیشتووەتە خوار 3200 دۆلار، لەکاتێکدا دراوە کریپتۆ بەناوبانگەکانی دیکەی وەک BNB و Solana و Dogecoin لە کۆمپانیای Binance بە ڕێژەی 5.8% و 9% و 6.5% دابەزیوە..
ئەم دابەزینە لە کاتێکدایە کە نیگەرانییەکان لەبارەی بەڕێوەبەرانی بۆرسەی لەکارکەوتووی Mt.Gox دێت، کە دەستیان بە پرۆسەی گەڕاندنەوەی قەرزدەرەکانی کردووە بە دراوە کریپتۆکراوەکان لەنێویاندا زیاتر لە 137,000 بیتکۆین کە بەهای نزیکەی 8 ملیار دۆلارە.
قەرزدەرەکانی Mt.Gox بە بیتکۆین و بیتکۆین کاش پارەیان پێدەدرێت.
ئەو شرۆڤەکارانەی کە قسەیان لەگەڵ بلومبێرگ کردووە ئاماژە بەوە دەکەن کە دۆخی هەڵبژاردنی سەرۆکایەتی ئەمریکا ڕەنگە کاریگەری لەسەر نرخی دراوی کریپتۆش هەبێت.
ئاستێکی ناتەبایی بایدن لە یەکەم دیبەیتدا بووە هۆی ئەوەی داوای وازهێنانی لە کێبڕکێکەدا بکەن.
بلومبێرگ بڵاویکردەوە، بازاڕی دراوی کریپتۆ نیگەرانە لە ئەگەری بوونی کاندیدێکی بەهێزتری دیموکراتەکان بۆ جێگرتنەوەی بایدن بۆ ڕووبەڕووبوونەوەی دۆناڵد ترەمپ، سەرۆکی پێشووی ئەمریکا، کە لە چەند مانگی ڕابردوودا خۆی وەک پێشەنگێکی لایەنگری دراوی کریپتۆ نیشانداوە.
