ئەندامی رێکخراوی cpt وردەکاری بۆردومانەکانی ئەمشەوی تورکیای بۆ جەند ناوچەیەکی هەرێمی کوردستان بڵاوکردەوە.
کامەران عوسمان لە هەژماری تایبەتی خۆی لە تۆڕی کۆمەڵایەتی فەیسبووک نووسیویەتی: لەچوارچێوەی زنجیرە بۆردوومانەکانی ئێوارەی ئەمڕۆدا، فڕۆکە جەنگییەکانی سوپای تورکیا، یەک جار بۆردوومانی (لۆفەکانی کورتەک) و دوو جار بۆردوومانی (گوندی سڵێ)یان لە ناحیەی سەنگەسەر لە قەزای پشدەر کرد و هیچ هاووڵاتییەکی مەدەنی نەبووەتە قوربانی.
دەشڵێت:”لەچوارچێوەی زنجیرە بۆردوومانەکانی ئێوارەی ئەمڕۆدا، فڕۆکە جەنگییەکانی سوپای تورکیا،یەک جار بۆردوومانی (لۆفەکانی کورتەک) و دوو جار بۆردوومانی (گوندی سڵێ)یان لە ناحیەی سەنگەسەر لە قەزای پشدەر کرد و هیچ هاووڵاتییەکی مەدەنی نەبووەتە قوربانی”.
راشیگەیاندووە، کاتژمێر ٨:٣٥ خولەکی ئێوارەی ئەمڕۆدا، سوپای تورکیا لە ڕێگەی فڕۆکەی جەنگی و فڕۆکەی بێفڕۆکەوانەوە سێ جار بۆردوومانی دەووروبەری گوندی زێوکەی کرد لە قەزای پشدەر.بۆردوومانەکان بۆ سەر خڕێ شاخی، چیای جاسوسان و شاخی گەنم ئاوی، بوون لە دەووروبەری گوندی زێوکە.
کامەران عوسمان دەشڵێت:”دوو لە بۆردوومانەکان لە ڕێگەی فڕۆکەی جەنگییەوە بوون و بۆردوومانەکەی تریش لە ڕێگەی فڕۆکەی بێفڕۆکەوانەوە بووە، هیچ هاووڵاتییەکی مەدەنی نەبوونەتە قوربانی لە بۆردوومانەکانی ئەمڕۆ بۆسەر گوندی زێوکە”.
گوندی زێوکە، دەکەوێتە قەزای پشدەر و ئێستا ١٢ خێزان لەو گوندەدا دەژین. لە ئەیلوولی ٢٠١٩دا، سوپای تورکیا ٢٧ جار بۆردوومانی ناو گوندی زێوکەی کرد و ئەمەش بووە هۆی چۆڵبوونی گوندەکە، بەڵام لە دوای ساڵێک گوندنشینەکان گەڕانەوە بۆ ناو گوندەکەیان.
