لیژنەی باڵای تاقیکردنەوە گشتیەکانی پۆلی ١٢ی ئامادەی ئاگادارییەکی لەبارەی کاتی تاقیکردنەوەکان بڵاوکردەوە و ڕایگەیاند، “تاقیکردنەوەکان لە کاتی خۆیاندا ئەنجامدەدرێن”.
ئەمڕۆ سێشەممە، لیژنەی باڵای تاقیکردنەوە گشتییەکانی پۆلی ١٢ی ئامادەیی لە وەزارەتی پەروەردە ئاگاداری خوێندکارانی کردەوە و ڕایگەیاند، وەک لە خشتەی ڕاگەیەندراوی تاقیکردنەوە گشتییەکانی پۆلی ١٢ ی ئامادەیی بڵاوکراوەتەوە بە فەرم ، تاقیکردنەوەکان لە ڕۆژانی دیاریکراوی خۆیاندا ئەنجامدەدرێن بە بێ هیچ گۆڕانکارییەک و ڕۆژانی پشووش تاقیکردنەوەکان ئەنجامدەدرێن.
ڕۆژی 23ی حوزەیران تاقیکردنەوەکانی پۆلی 12 دەستیان پێکرد، بە بەشداری 27 هەزار و 829 قوتابی لە سنووری سلێمانی.
