زاکانی کە یەکێک بوو لە کاندیدانی سەرکۆمار لە ئێران، لە بەرژەوەندی باڵی پارێزگارەکان لە کێبڕکێی هەڵبژاردن کشایەوە و داوای لە محەمەد باقر قالیباف و سەعید جەلیلی کرد بە ڕێککەوتن لە نێوانیاندا دەستەبەری ئەوە بکەن پارێزگارەکان بە یەک کاندید بچنە هەڵبژاردنەکەوە.
لە پەیامەکەیدا زاکانی داوای لە محەمەد باقر قالیباف و سەعید جەلیلی کرد بە ڕێککەوتن لە نێوانیاندا دەستەبەری ئەوە بکەن پارێزگارەکان بە یەک کاندید بچنە هەڵبژاردنەکەوە.
ڕاشیگەیاند: “تا کۆتایی پرۆسەی ڕکابەری یاسایی مامەوە، بەڵام بەردەوامی ڕێگای شەهید ڕەئیسی (سەرکۆماری ئێران، ئیبراهیم ڕەئیسی) گرنگترە. داوا لە جەلیلی و قالیباف دەکەم یەکگرتوو بن، داواکارییە ڕەواکانی هێزە شۆڕشگێڕەکان بێ وەڵام نەهێڵنەوە و ڕێگریی بکەن لە پێکهێنانی سێهەمین حکوومەتی ڕۆحانی”.
دوای ئەوەی سەرکۆماری ئێران، ئیبراهیم ڕەئیسی لە ١٩ی ئایاردا لە ڕووداوی کەوتنەخوارەوەی هێلیکۆپتەردا گیانی لەدەستدا، هەڵبژاردنی سەرکۆمار کە ساڵێک پێشخرا لە ٢٨ی حوزەیراندا ئەنجام دەدرێت.
لە هەڵبژاردنەکەی سبەیدا هەریەک لە کاندیدی ڕیفۆرمخواز، مەسعود پزيشکیان، کاندیدانی پارێزگارەکان هەر یەک لە سەرۆکی پەرلەمان، محەمەد باقر قالیباف و سکرتێری گشتیی پێشووی ئەنجوومەنی باڵای ئاسایشی نیشتمانیی، سەعید جەلیلى و وەزیری پێشووی ناوخۆ، مستەفا پورموحەمەدی کێبڕکێ دەکەن.
