سەربازێکی ئیسرائیلی سەگەکەی بەردەداتە ژنێکی بەساڵاچووی فەلەستینی لە کەرتی غەززە، ئەم دیمەن و ڕەفتارە نامرۆڤانەیەی سەربازەکە تۆڕە کۆمەڵایەتییەکانی تەنیوە.
ڕووداوەکە لە لە کەمپی پەنابەرانی جەبەلیا لە باکووری غەززە ڕوویدا کاتێک سەربازەکانی ئیسرائیل ویستویانە لەو ڕێیەوە ژنە بەساڵاچووەکە بتۆقێنن و ناچاری بکەن ماڵەکەی بەجێبهێڵێت.
بە هۆی ئەو پەلامارەوە لەشی لاوازی ژنە بەساڵاچووەکە تووشی برین و شکاوی بووە.
میدیای عەرەبی بڵاویکردەوە، ئەو دیمەنە لەکاتی هێرشەکانی ئەمدواییەی سوپای ئیسرائیل بۆ سەر کەمپەکە تۆمارکراوە کە بەشێکی زۆری بە تەواوی وێران کرا.
