ڕاوێژکارێکی سەرۆک وەزیرانی عێراق ڕایدەگەیەنێت 18 جۆر دەرمانی شێرپەنجە بەرهەمدەهێنن و 76 داواکاریشیان بۆ دروستکردنی کارگەی دەرمان پێشکەش کراوە.
حەمودی لامی، ڕاوێژکاری سەرۆک وەزیرانی عێراق بۆ کاروباری پیشەسازی و پەرەپێدان و کەرتی تایبەت لە چاوپێکەوتنێکیدا لەگەڵ کەناڵی عێراقییە ڕایگەیاند، کارگەکانی دروستکردنی دەرمان 30٪ی پێداویستی ناوخۆ دابین دەکەن و تا کۆتایی ئەمساڵ ڕێژەکە بۆ نیوە بەرز دەکەنەوە.
ئەوەشی خستەڕوو کە عێراق 18 جۆر دەرمانی شێرپەنجە لە ناوخۆدا بەرهەم دەهێنێت و 76 داواکاریشیان بۆ دروستکردنی کارگەی نوێ بەدەست گەیشتووە.
ڕاوێژکارەکەی سودانی باسی لە زۆریی کارگەکانی چیمەنتۆ و ئاسن کرد و ڕایگەیاند، عێراق ساڵانە 10 ملیۆن تۆن چیمەنتۆ و 13 ملیار خشت بەرهەمدەهێنیت و هێشتا کارگەی دیکەش لە دروستکردندان، جگە لەوەش بەرهەمهێنانی ئاسن لە ڕێژەی پێدوایستی ناوخۆیی زیاترە.
حەمودی لامی ڕاشیگەیاند، ئێستا 33 هەزار کارگە لە عێراقدا کاردەکەن و نزیکەی 60 هەزاریش لەکارکەوتوون.
