تەندروستی سلێمانی کاتی دەوامی نەخۆشخانەکانی لە پارێزگای سلێمانی دیاریکرد و دەلێت”24 کاتژمێر لە ئێشکگریدا دەبن”.
بەڕێوەبەرایەتی گشتی تەندروستی سلێمانی لە بڵاوکراوەیەکدا ڕایگەیاند، بەمەبەستی ئامادەکاری و بەردەوامبوون لە پێشکەشکردنی خزمەتگوزاری تەندروستی لەڕۆژانی پشوودا ، جگە لەنەخۆشخانە فریاکەوتنەکان سەرجەم نەخۆشخانەو سەنتەرەکانی پێدانی چارەسەری کیمیای و سەنتەری چارەسەر بەتیشكی شێرپەنجەی سەنتەرەکانی شوشتنی گورچیلە وەتیمەکانی (چاودێری تەندروستی ،پشکنینی ئاو ، نەخۆشیە گوازراوەکان) بەردەوام دەبن لەپێشکەشکردنی خزمەتگوزاری تەندروستی بەشێوەی ئێشکگر .
تەندروستی داوا لەهاووڵاتیانش دەکات لەکاتی بوونی هەر حاڵەتێکی کتوپڕدا دەتوانن پەیوەندی بە سەنتەری فریاکەوتنی خێرای تەندروستی ژمارە 122 بکەن .
