وەزارەتی گەشتوگوزاری سعودییە، پشتڕاستی دەکاتەوە کە هەموو جۆرەکانی ڤیزای سەردانیکردن بۆ وڵاتەکەیان مافی ئەوە بە خاوەنەکانیان نادات فەریزەی حەجی پێ ئەنجام بدەن و هەرکەس سەرپێچی بکات سزا دەدرێت.
وەزارەتی گەشتوگوزاری سعودییە، دووپاتیکردەوە کە ڤیزای سەردان، بە هەموو جۆر و ناوێکەوە، مافی ئەوە بە خاوەنەکەی نادات فەریزەی حەج ئەنجام بدات، ئەمەش بە پێی ڕێسا و ڕێنماییەکانی وڵاتەکەیان
وەزارەتی گەشتوگوزار،جەختیشی لەوە کردووەتەوە، لایەنی ئەمنی سعودییە، بە بڕی ١٠ هەزار ڕیاڵ سزای هەر گەشتیارێک دەدەن، کە سەرپێچیی ڕێسا و ڕێنماییەکانی حەج بەبێ مۆڵەت بکات.
ئەوەشی خستووەتەروو؛ ڕێکاری توند دژی ئەو سەردانکەرانەی لەناو شاری مەککەی پیرۆز، ناوچەی ناوەڕاست، شوێنە پیرۆزەکان گیراوەتەبەر و سزا دەسەپێنن بەسەر هەرکەس کە لە ڕێنماییەکان لا بدات.
هاوکات، گرووپی زۆر و تۆکمەی ئەمنی خاڵی پشکنینیان لە وێستگەی شەمەندەفەری ئەلحەرەمەین لە ئەلروسەیفە، و ناوەندەکانی کۆنترۆڵکردنی ئەمنی ، ناوەندەکانی ڕیزکردن، و ناوەندەکانی کۆنترۆڵکردنی ئەمنی کاتی، و ئەوانەی مۆڵەتی حەجیان نییە، جێگیرکردووە بۆ دەستگیرکردنی ئەوانەی دەیانەوێت بە بێ مۆڵەت فەریزەی حەج ئەنجام بدەن.
وەزارەتەکە ئاماژەی بەوەشکرد، لە ئەگەری دووبارەبوونەوەی سەرپێچیکردندا، لایەنە ئەمنییەکان سزای دووبارە و دوو هێندە دەسەپێنن و جەختیشیکردەوە ئەم هەوڵەیان لەسەر گرنگی پابەندبوون بە ڕێسا و ڕێنماییەکانی حەجە تا میوانانی خودا چێژ لە ئاسایش و سەلامەتی و ئاسوودەیی و دڵنیایی لەئەنجامدانی ڕێوڕەسمەکانیان ببینن.
