حزبوڵای لوبنانی، کوژرانی فەرماندەیەك و سێ چەکداری دیکەی لە شەڕ و پێکدادانەکاندا لەگەڵ ئیسرائیل لە باشووری لوبنان ڕاگەیاند.
حزبوڵای لوبنانی ڕایگەیاند فەرماندەیەكیان بەناوی تاڵب سامی عەبدوڵا و سێ چەکداری دیکەیان لە باشووری لوبنان، کوژراوە.
ڕوونیشیکردەوە فەرماندە و چەکدارەکانی لە چوارچێوەی چالاکییەکانی دژ بە ئیسرائیل کوژراون کە بە ناوی “لەسەر ڕێگەی قودس” بۆ پشتیوانی لە بزووتنەوەی حەماس ئەنجامیان دەدات.
بەھۆی پێکدادانەکانی نێوان حزبوڵا و سوپای ئیسرائیل لە باشووری لوبنان کە لە ٨ی تشرینی یەکەمی ٢٠٢٣وە تا ئێستا بەردەوامن، ٣٤٠ فەرماندە و چەکداری حزبوڵا کوژراون.
