سبەینێ یەكەم ڕۆی سەری ساڵی نوێی ٢٠٢٣ی زاینییە و پشووی فەرمییە، بەڵام هاتووچۆی گەشتیاری و بازرگانی لە دەروازەكان ئاساییە و ڕاناگیرێت.
هەریەكە لە دەروازەكانی باشماخ و پەروێزخان و حاجی ئۆمەران لە ڕاگەیەنراوی جیادا ئاماژەیان بەوەكردووە، كە سبەینێ یەك شەممە ١ی ١ی ٢٠٢٣ هاتووچۆ بەڕووی گەشتیاری و بازرگانی كراوە دەبێت و ڕاناگیرێت.
دەروازەی نێودەوڵەتی باشماخ لە ڕاگەیەنراوێكدا ئاماژەی بەوەكردووە،، دەروازەکەیان بەڕووی گەشتیاری و بازرگانیدا کراوە دەبێت.
ئاماژەی بەوەشكردووە، ئەو گەشتیارانەی بە ئۆتۆمبێلی خۆیان لە جۆرەکانی (لاندکرۆزەر، ڕەنج ڕۆڤەر، مارسێدس و تویۆتا هایلۆکس) گەشت بۆ کۆماری ئیسلامیی ئێران دەکەن، پێویستە بەڵێننامەی دادگا، کارتی نیشتمانی و ساڵیانەی ئۆتۆمبێلیان پێبێت.
