بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگەی کەلار بەهۆی ڕووداوێکی هاتوچۆوە سێ کەس بریندار بوون.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، ماتۆڕسکیلێک کە بە ئاڕاستەی کەلار هاتووە، لێخوڕ و دوو سەرنشینی لەسەر بووە و تووشی ڕووداوی هاتووچۆ بووە و بەهۆیەوە ئەو سێ کەس بریندار بوون.
ڕاشیگەیاندووە، “بەپێی زانیارییە سەرەتاییەکان تایەی ماتۆڕسکیلەکە تەقیوە و وەرگەڕاوە”.
ڕوونیشی كردۆتەوە، لێخوڕ و سەرنشینێکی ماتۆڕسکیلەکە تەمەنیان ١٧ ساڵە، سەرنشینەکەی دیکەش تەمەنی ٢٣ ساڵە.
ئاماژەی بەوەشكردووە، بریندارەکان ڕەوانەی نەخۆشخانەی فریاکەوتنی شەهید هەژار کراون و لێکۆڵینەوە لە ڕووداوەکە لەلایەن تیمی هاتوچۆی گەرمیانەوە دەستی پێکردووە.
