بەپێی پێشبینییە كەشناسییەكان، ئەو ڕەشەبابەی چەند ڕۆژێكە بەشێكی ناوچەكانی هەرێمی كوردستانی گرتۆتەوە لە كۆتایی ئەم هەفتەیەدا كۆتایی دێت و پلەكانی گەرماش بەرزدەبنەوە.
ئاراس جەبار، شارەزای كەشناسی بۆ (خەڵك) ڕایگەیاند، سبەینێ چوار شەممە ئاسمانی ھەرێم ساماڵ ئەبێت و پلەکانی گەرما بەراورد بە ئەمڕۆ بە جێگیری ئەمێنێتەوە و چالاکی بای باکوری ڕۆژھەڵات بەخێرایی 15-35 کم/ک لەناوچەکانی پارێزگای سلێمانی و ئیدارەی ڕاپەرین بەردەوامی ئەبێت.
ڕاشیگەیاند، بەرزترین پلەی گەرما لە هەولێر و دهۆك و زاخۆ 39 پلەی سەدی و كەركوك 40 پلە و گەرمیان 43 پلە و سلێمانی 36 پلە و سۆران 35 پلە دەبێت.
ئاماژەی بەوەشكرد، کاریگەری ئەو (با)ی کە لەناوچەکانی ڕۆژھەڵاتی ھەرێم چالاک بووە تا ڕۆژی ھەینی 7/6/2024 بەردەوامی ئەبێت و پلەکانی گەرماش لە ڕۆژی پێنج شەممە بەدواوە بەرزبوونەوەی زیاتری بەسەردا دێت.
