کارەبای سلێمانی رایگەیاند، تۆڕی رووناکی شەقامی سالم کە لە چوارڕێیانی سەرچنار دەستپێدەکات تا پردی رەئوف بەگ، سێ بەشە و لەسەر بودجەی داهاتی (٨٪)ی کارەبا بەبڕی زیاتر لە ٥٠٠ملیۆن دینار جێبەجێکراوە.
بەڕێوەبەرایەتییەکە لە راگەیەندراوێکدا بڵاویکردووەتەوە، ئێوارەی ئەمڕۆ هەینی ٣٠/١٢/٢٠٢٢ تۆڕی رووناکی شەقامی سالم کە لە چوارڕێیانی سەرچنار دەستپێدەکات تا پردی رەئوف بەگ، سێ بەشە و لەسەر بودجەی داهاتی (٨٪)ی کارەبا بەبڕی زیاتر لە (٥٠٠) ملیۆن دینار بەسەرپەرشتی بەڕێوەبەرایەتی گشتی کارەبای سلێمانی جێبەجێ کراوە و دوو بەشی تەواوبووە ،بەتەواوبوونیشی سیمایەکی جوانی بە شەقامەکە بەخشیوە.
کارەبای سلێمانی ئاماژەی بەوەشکردووە، بەشی سێیەمیش بریتییە لە دانانی ئینارە بۆ سەر پردەکان و شەقامی شەست مەتری تا پردی رەئوف بەگ و لە قوناغی جێبەجێ کردندایە.
