پیاوێکی تەمەن ١٠٠ ساڵ و ژنێکی تەمەن ١٠٢ ساڵ لە دوای ١٠ ساڵ خۆشەویستی هاوسەرگیریان ئەنجامدا و هاوسەرگیرییەکەشیان دەنگدانەوەی زۆری بەدوای خۆیدا هێنا.
لیتمان و فێتێرمان، خه‌ڵكی ئه‌مریكان، نزیكه‌ی ١٠ ساڵ له‌مه‌وبه‌ر له خانه‌ی به‌ساڵاچوان یه‌كتریان ناسیووه و عاشقی یه‌كتربوون، ئه‌وان له ڕابردودا هاوسه‌رگیریان كردبوو، به‌ڵام بەهۆی گیانلەدەستدانی هاوسەرەکانیان بە تەنیا مابوونەوە، ته‌نانه‌ت بیریان له‌وه نه‌كردبووه كه جارێكی دیكه هاوسه‌رگیری بكه‌نه‌وه.
ئه‌و ژن و پیاوه له شاری فیلادلفیا له ئه‌مریكا هاوسه‌رگیریان كردوه، ئێستا ده‌توانن وه‌ك به‌ته‌مه‌نترین ژن و مێرد بچنه ناو كتێبی گینسه‌وه، به‌ڵام له ئێستادا ژماره‌ی پێوانه‌یی له‌م بواره‌دا هی دۆرین و جۆرج كیربی له بەریتانیایه.
له ساڵی ٢٠١٥دا، تەمەنی بەساڵاچو ڕێگری نەکرد لە جۆرج کیربی کە تەمەنی ١٠٣ ساڵە و دۆرین لۆکی کە تەمەنی ٩١ساڵە، خەونی هاوسەرگیرییان بەدیبهێنن، چونکە لە شاری ئیستبۆرنی ئینگلته‌را هاوسەرگیریان ئەنجامدا و بەوەش ناویان چووە کتێبی گینسەوە
