ئەو كەشوهەوا فێنك و باراناوییەی ناوچەكانی هەرێمی كوردستانی گرتۆتەوە بەردەوام دەبێت و شارەزایەكی كەشناسی دەڵێت: ڕۆژی هەینی تاوە باران و هەورەبروسكە دەبێت.
شاڵاو هیدایەت، شارەزای كەشناسی بۆ (خەڵك) ڕایگەیاند، لە ئێستادا هەوری کەڵەبووی زۆر گەورە ناسراو بەکۆمۆلۆنیمبۆس لە خۆرئاوای هەولێر و باکووری خۆرئاوای تکریت و بەشێکی بادینان و سنووری موصڵەوە دروست بووە وا بەرەو ناوچەکانی تر دەڕوات.
ڕاشیگەیاند، ئەگەر هەیە زۆرینەی ناوچەکان بگرێتەوە بۆ بەشێک ناوچەش بەهێز دەبێت و هەورە بروسکە و بارانیشی پێوەیە بەکاریگەری و بڕی جیاواز، بەلام ئەم بارودۆخە کاتەکانی ئێوارە بۆ شەو بەتایبەتی بەرەو کۆتایی دەڕوات.
وتیشی، “بۆ پێنج شەممە و هەینی دووباره بەهۆی دروست بوونی هەوری ناوخۆیی ئەگەری تاوە بارانو هەورە بروسک کراوەیه بەزۆریش هەینی بۆ هەندێ ناوچە و شوێن بەتایبەت کاتەکانی دوانیوەڕۆ بۆ ئێوارە”.
