دادگای نێودەوڵەتی تاوانەکان ڕێکاری تایبەت بۆ دەرکردنی فەرمانی دەستگیرکردن دەگرێتەبەر، بۆ دەرکردنی فەرمانی دەستگیرکردن بۆ ناتانیاهۆ و چەند بەرپرسێکی تر.
کەریم خان، داواکاری گشتی دادگای تاوانە نێودەوڵەتییەکان لە بەیاننامەیەکدا بۆ کەناڵی سی ئێن ئێن ڕایگەیاندوە، دادگاکە بە دوای دەرکردنی فەرمانی دەستگیرکردن بۆ سینوار و نەتانیاهۆ و گالانت-دایە.
کەریم خان، ئاشکراشیکردووە، دادگای تاوانی نێودەوڵەتیش داوای فەرمانی دەستگیرکردن دەکات دژی دوو سەرکردەی باڵای دیکەی بزووتنەوەی حەماس، سەرۆکی لیواکانی ئەلقەسام ناسراو بە محمد الدیف و سەرکردەی سیاسی بزووتنەوەی حەماس، ئیسماعیل هەنیە.
یەکەمجارە لە مێژوودا دادگای تاوانە نێودەوڵەتییەکان فەرمانی دەستگیرکردن بۆ سیاسەتمەدارانی ئیسرائیل، و گەورەترین و نزیکترین هاوپەیمانی ئەمریکا بکاتە ئامانج.
بەپێی هەواڵەکە، ئامانپوور، و دەستەیەک لە دادوەرەکانی دادگای نێودەوڵەتی تاوانەکان تاوتوێی داواکارییەکەی خان دەکەن بۆ دەرکردنی فەرمانی دەستگیرکردن.
خان ئاماژەی بەوەشکرد، تۆمەتەکانی نەتانیاهۆ و گالانت بریتین لە “هۆکارەکانی جینۆساید، گەمارۆ و دروستکردنی برسێتی وەک ئامرازێک بۆ شەڕ، لەوانە ڕاگرتنی پێداویستییە فریاگوزارییە مرۆییەکان و بە ئەنقەست کردنە ئامانجی هاوڵاتیانی مەدەنی لە کاتی شەڕدا.
دیارترین ڕێکارەکان کە ڕێگە بە دەرکردنی فەرمانی دەستگیرکردن دەدەن بریتین لە:
لێکۆڵینەوە سەرەتاییەکان:
پرۆسەکە بە پێشکەشکردنی داواکارییەک بۆ لێکۆڵینەوە لە تاوانێکی گوماناوی دەست پێدەکات و ئەم ڕێکارانە دەتوانێت ئەم پرۆسەیە بەئەنجام بگەیەنێت:
- دەوڵەتانی ئەندامی پەیڕەوی ناوخۆی ڕۆما.
- ئەنجومەنی ئاسایشی نەتەوە یەکگرتووەکان.
- داواکاری گشتی دادگای تاوانی نێودەوڵەتی لەسەر دەستپێشخەری خۆی.
لێکۆڵینەوە:/
ئەگەر داواکاری گشتی دیاری بکات کە هۆکاری گونجاو هەیە بۆ ئەوەی بسەلمێنرێت، کە تاوانێک لە چوارچێوەی پسپۆڕی دەسەڵاتی دادگادا ئەنجامدراوە، لێکۆڵینەوەیەکی فەرمی دەست پێدەکات، لەوانەش کۆکردنەوەی بەڵگە و گوێگرتن لە ئیفادە.
داوای دەرکردنی فەرمانی دەستگیرکردن:/
لەسەر بنەمای ئەنجامی لێکۆڵینەوەکە، داواکاری گشتی دەتوانێت داواکارییەک پێشکەش بە بەشی پێش دادگاییکردنی دادگا بکات بۆ دەرکردنی فەرمانی دەستگیرکردن.
داواکارییەکە بخوێنەوە:/
ژووری پێش دادگاییکردنەکە لێکۆڵینەوە لە داواکارییەکە و ئەو بەڵگانە دەکات کە خراوەتەڕوو، هەروەها دەبێت زەمینەیەکی گونجاو هەبێت بۆ ئەوەی بڵێین کەسەکە تاوانێکی لە چوارچێوەی پسپۆڕی دەسەڵاتی دادگادا ئەنجامداوە.
دەرکردنی فەرمانی دەستگیرکردن پێویستە بۆ دڵنیابوون لە ئامادەبوونی تۆمەتبار لە دادگا، یان دڵنیابوون لەوەی کە لێکۆڵینەوەکان بەربەستیان لەسەر نییە یان تاوانەکان بەردەوامن.
جێبەجێکردنی فەرمانی دەستگیرکردن:/
فەرمانی دەستگیرکردنەکە دەنێردرێت بۆ ئەو دەوڵەتانەی کە لە پەیڕەوی ناوخۆی ڕۆمادا بەشدارن.
پابەندن بە هاوکاری دادگا بۆ جێبەجێکردنی فەرمانی دەستگیرکردن و دەستگیرکردنی کەسی داواکراو.
دادگا دەتوانێت داوای لە وڵاتانی تریش بکات کە هاوکاری بن لە جێبەجێکردنی یاداشتەکەدا.
