کەشناسی هەرێمی کوردستان پێشبینی دەکات سبەینێ تاوەباران و هەورە تریشقە چەند ناوچەیەکی هەرێمی کوردستان بگرێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ یەکشەممە ئاسمان بەگشتى نیمچە هەور دەبێت و خێرایی با مامناوەند و لە نێوان 10-25 کیلۆمەتردا دەبێت.
سەبارەت بە سبەینێ دووشەممەش ڕایگەیاند، ئاسمان نیمچە هەور دەبێت و لە دواى نیوەڕۆوە ئەگەرى تاوە باران و هەورە تریشقە هەیە لە هەندێک ناوچە بە تایبەتى لە سنوورى پارێزگاى هەولێر و سەنتەرى پارێزگاکە.
ئەوەشی خستەڕوو کە ئەگەر هەیە تاوەبارانەکە ناوچە شاخاوییە سنوورییەکان و بەشێک لە ئیدارەى ڕاپەڕینیش بگرێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر: 28
سلێمانى: 28
دهۆک: 27
زاخۆ: 28
هەڵەبجە : 30
کەرکووک: 32
سۆران: 25
حاجی ئۆمەران: 17
گەرمیان: 33
