هەرچەند بڕیاربوو ئەمشەو پەرلەمانی عێراق سەرۆکێکی نوێ هەڵببژێرێت، بەڵام بەهۆی دروستبوونی شەڕ و ئاڵۆزی لەنێو هۆڵی پەرلەمان سەرۆک هەڵنەبژێردرا و دانیشتنەکەش دواخرا.
شەرەکەی ئەمشەوی پەرلەمان لە نێو سوننەکاندا بوو بەوەی کە هاوپەیمانی تەقەدوم کە محەمەد حەلبوسی سەرۆکایەتی دەکات و گەورەترین کوتلەی سوننەیە لە نێو پەرلەمانی عێراق بە مافی خۆیانی دەزانن کە سەرۆکی پەرلەمان لای ئەوان بێت، بۆیە دوای ئەوەی ئەمڕۆ دووجار دەنگدان کرا و کاندیدەکەیان نەیتوانی دەنگی پێویست بەدەستبهێنێت، رێگەیان نەدا سەرۆک هەڵببژێرێت و داوای دواخستنی دانیشتنەکەیان دەکرد، بەوەش شەڕو ئاڵۆزی دروست بوو دانیشتنەکەش بۆ کاتێکی دیکە دواخرا.
ئەمڕۆ دوو خول بۆ هەڵبژاردنی سەرۆکی پەرلەمانی عێراق بەڕێوەچوو کێبڕکێی توند لە نێوان مەحمود مەشهەدانی و سالم عیساوی هەبوو، بەڵام هیچ کامیان نەیانتوانی دەنگی پێویست کە ١٦٦ دەنگە بە دەستیبهێنن.
