کەشناسی پێشبینی دەکات تاوەباران چەند ناوچەیەکی هەرێمی کوردستان بگرێتەوە و لە باشووری هەرێمیش ئەگەری کەمێک خۆڵبارین هەیە، ڕۆژی هەینیش پلەی گەرما کەمێک بەرزدەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردەوە، ئەمڕۆ پێنجشەممە، ئاسمان لە نێوان هەور و نیمچە هەور دەبێت، لەگەڵ کەمێک نمە باران لە ناوچە شاخاوییە سنوورییەکانی باکووری هەرێم.
ڕوونیشیکردەوە کە دوای نیوەڕۆ لەناوچەکانی ئیدارەی سەربەخۆی سۆران و ڕانیە و باشووری شاری دهۆک دابارین بەشێوەی تاوە باران و بروسکەی کورتخایەن دەبێت.
لەناوچەکانی باشووری هەرێمیش ئەگەری کەمێک تۆزو خۆڵ هەیە.
کەشناسی سەبارەت بە سبەینێ هەینیش ڕایگەیاند، ئاسمان لەنێوان نیمچە هەور و ساماڵ دەبێت و گەرما 1-2 پلە بەرزدەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 31
سلێمانى: 27
دهۆک : 29
زاخۆ : 30
هەڵەبجە : 31
کەرکووک: 33
سۆران : 27
حاجی ئۆمەران: 20
گەرمیان : 34
