لە پارێزگای ئیزمیری ڕۆژئاوای تورکیا سێ قاچاخچی و 160 کۆچبەر دەستگیرکران کە بەنیازبوون بە شێوەیەکی نایاسایی خۆیان بگەیەننە ئەوروپا.
ئەمڕۆ چوارشەممە، هێزەکانی پاراستنی کەناراوەکانی تورکیا لە هەردوو شارۆچکەی ئورلا و فۆچای سەر بە ئیزمیر، 160 کۆچبەری نایاساییان دەستگیرکرد کە 32 منداڵیان لە نێودایە.
98 لە کۆچبەرەکان کە 15یان منداڵ بوون، ویستبوویان لەسەر سێ بەلەمی چوپ بەرەوە ئەوروپا کۆچ بکەن.
لە لایەکی دیکەشەوە 62 کۆچبەری نایاسایی کە 17یان منداڵن دەستگیرکران.
هێزە ئەمنییەکانی تورکیا سێ کەسشیان بە تۆمەتی قاچاخچێتی دەستگیرکرد، بەڵام ڕەگەزنامەی قاچاخچی و کۆچبەرەکان ئاشکرانەکراوە.
