بە گومانی ژەهراویبوون ٧٦ بەندکراو و کارمەندی بەندیخانەی ئامەدی باکووری کوردستان ڕەوانەی نەخۆشخانە کران.
ئەمڕۆ سێشەممە، ئاژانسی هەواڵی ئانادۆڵو بڵاویکردەوە ئەو ٧٦ کەسە، کە ٦٢یان بەندکراو ١٤یا کارمەندی بەندیخانەکەن، دوای ئەوەی لە خواردنی نیوەڕۆیان خواردووە، باری تەندروستییان تێکچووە.
ئەوەشی خستەڕوو کە دوای پەیوەندیکردنیان بە دۆخی لەناکاو، بە ئۆتۆمبێلی فریاکەوتن گەیەندراونەتە نەخۆشخانە.
لە نەخۆشخانە ١٦ بەندکراو و ١١ کارمەندی بەندیخانە دوای وەرگرتنی چارەسەر، بەڕێکران و ٤٦ بەندکراو و سێ کارمەندەکەی دیکەش لە نەخۆشخانە ماونەتەوە.
ئاژانسەکە ڕاشیگەیاند لێکۆڵینەوە لەبارەی ڕووداوەکە دەستیپێکردووە.
