شارەزایەكی كەشناسی ئاشكرای دەكات، كە لە ئەمشەوەوە كۆتایی بەم شەپۆلی باران بارینە دێت و دەشڵێت: لە هەولێر و دهۆك پلەكانی گەرما زیاتر دادەبەزن.
ئاراس جەبار، شارەزای كەشناسی بۆ (خەڵك) ڕایگەیاند، ئاسمانی ھەرێم بەزۆری ساماڵ و ھەندێک کات پەڵە ھەور ئەبێت و لەناوچە شاخاوییەکانی پارێزگای ھەولێر و دھۆک ئاسمان بەزۆری نیمچە ھەور بۆ ھەوری تەواو ئەبێت لەگەڵ بارینی باران و چالاکبوونی ھەورە بروسکە لەھەندێک کاتدا و کاتەکانی ئێوارە کۆتایی پێدێت.
ڕاشیگەیاند، پلەکانی گەرما بەجێگیری ئەمێنێتەوە و تەنھا لەسنوری پارێزگای دھۆک و ھەولێرە بەراورد بەئەمڕۆ 3 تا 4 پلە نزمدەبێتەوە.
ئاماژەی بەوەشكرد، سبەینێ خێرایی با لەسەرخۆ بۆ مامناوەند چالاک ئەبێت 10-25کم كاتژمێر بە ئاڕاستەی با باشوری ڕۆژئاوا.
