سەرۆکایەتی شارەوانی سلێمانی ئاگاداری سەرجەم شۆفێران و کاسبکاران و دوکاندارەکانی ناو بازاڕ دەکاتەوە، کە شەقامی (ژێر پردەکە) بۆ ماوەی چەند ڕۆژێک بەربەست دەکرێت.
سەرۆکایەتی شارەوانی سلێمانی لە ڕاگەیەنراوێكدا ئاماژەی بەوەكردووە، بە مەبەستی کارکردن و چاککردنی بەشێک لە قیری تێکچوی شەقامی (مەحوی) لە ناو بازاڕ، لە ڕۆژی شەممە ڕێکەوتی ٢٠٢٤/٥/١١ شەقامەکە بەربەست دەکرێت.
ڕوونیشی كردۆتەوە، لەبەردەم مزگەوتی گەورەی شاری سلێمانی تا شەقامی سەیوان (نزیک بازاڕی دۆلارەکە) بەربەست دەكرێت.
جەختیشی كردۆتەوە، ئاگاداری سەرجەم خاوەن دوکان و خاوەن گەنجینەکانی ئەو شەقامە دەکەین، کە هەرکارێکی گواستنەوە و هێنانی کاڵایان هەیە لە ڕۆژانی (پێنج شەممە و هەینی) ئەنجامی بدەن.
