ماڵپەڕی شەفافیەت داهاتی هەفتەی ڕابردووی سلێمانی و هەڵەبژەی بڵاوکردەوە کە بەراورد بە هەفتەی پێشووتر زیاتر لە 50٪ زیادیکردووە.
بە گوێرەی ماڵپەڕی شەفافیەت، داهاتی هەفتەیەکی سنووری پارێزگاکانی سلێمانی و هەڵەبجە، ئیدارە سەربەخۆکانی گەرمیان و راپەڕین لە 20ـی نیسان تاوەکو ئەمڕۆ هەینی، 26ـی نیسانی 2024، 20 ملیار و 119 ملیۆن و 953 هەزار و 306 دینار بووە.
هەر بەپێی ئاماری پێشووی ماڵپەڕەکە، داهاتی هەفتەی پێشووتر 12 ملیار و 636 ملیۆن و 935 هەزار و 419 دینار بووە.
هاوکات داهاتی ئەم مانگەی ئەو سنوورانە تاوەکو ئەمڕۆ زیاتر لە 42 ملیار دیناربووە. مانگی رابردووش زیاتر لە 47 ملیار دینار بووە.
رۆژی 15-12-2022 قوباد تاڵەبانی، جێگری سەرۆکی حکومەتی هەرێمی کوردستان ماڵپەڕی شەفافیەتی راگەیاند.
ماڵپەڕی شەفافیەت لە هەشت بەش پێکدێت و لەلایەن نووسینگەی جێگری سەرۆکی حکومەتەوە سەرپەرشتی دەکرێت .
